Tuesday, 23 March 2021

Waar is ons in 2021

Dit is drie jaar vandat ek laas 'n skrywe hier geplaas het.

Ek het dit goed gedink om net bietjie vir julle te vertel wat in ons lewe aangaan en waar ons nou is en hoe dit met die kinders gaan.

Ons het verhuis vanaf Amanzimtoti na Johannesburg in Julie 2019. Dit was ongelukkig nie ons besluit maar onstandighede wat ons gedwing het. Ons lewe het drasties verander, maar die kinders het voort gehou met hul skoolwerk. Ongelukkig kon hul nie voortgaan met die yshokkie nie.

Albei my kinders doen hierdie jaar hul GED - Amerikaanse kwalifikasie wat gelykstaande is aan matriek. Matthew word volgende week 18 (*snik snik* waar het die tyd gegaan). Hy het reeds sy eerste vak (Wiskunde) se eksamen gaan skryf en dit geslaag. Soos hy reg is gaan hy sy volgende vak skryf. Makayla skryf egter eers in Mei haar eerste vak aangesien sy dan oud genoeg is om te gaan skryf. 

Hul leer tans ook vir hul leerlingslisenses (*groot snikke*). En Matthew sal ook binnekort sy rybewys toets gaan doen. 

In geval jul gewonder het waarmee hou hul, hul nog besig. Matthew doen nogsteeds die 3D modelling op Blender en beoog om 'n vryskut loopbaan daarvan te maak. Makayla is besig om Digitale Illustrasies en ontwerp te leer, sy wil ook graag 'n loopbaan daarvan maak. Sy gaan egter na sy al haar eksamens voltooi het eers bietjie by 'n skool of kleurterskool werk aangesien sy dan wil gaan Au Pair. Eers na die VSA en dan Europa.

12 Jaar se tuisonderwys - wow! Ek moet myself amper knyp om te glo die 12 jaar is verby. As ek terug dink hoeveel ure ek gekommer het oor wat volgende, wat moet hul nou doen, maar wat van matriek en en. Moet ek eerlik vir julle vertel amper al die kommer was verniet en die opoffering was beslis die moeite werd. 

Die pandemie het almal gedwing om hul kinders by die huis te laat skoolgaan. Ek wil net egter dit noem. Daar is 'n baie groot verskil tussen Tuisonderwys en Aanlyn skool of dan skool by die huis. Ek wil werklik naar word as mense kla oor hul nou hul kinders moet help met hul skoolwerk en hul wens skole was aan die gang en en. Mense besef nie watter voorreg hul gehad het om daai tyd saam hul te kon spandeer.
Vir ons was die pandemie net nog 'n dag, nog 'n maand. Niks in ons lewe het verander wat skool betref. Ons is so bevoorreg om met gemak in die tyd te kon voortgaan. En ek verwys glad nie na geld, dit is 'n hele ander kopseer.

Tuisonderwys is 'n baie groot opoffering. Jy moet weet jou tyd en lewe is vir baie jare nie meer joune. Die tyd wat ek saam met my kinders kon gehad het sal ek vir niks in die lewe verruil nie. Ek voel so bevoorreg en trots om hul ma te wees. Ek is ook trots op die grootmense wat hulle word het.

Dit gaan baie hartseer wees die dag as my kinders nie meer saam my in die huis is. Hulle is my absolute lewe.

So mamma/pappa geniet elke oomblik. Geld is noodsaaklik, maar aandag en tyd saam met jou kinders is die beste geskenk ooit.

Hou God eerste en vertrou altyd op Hom!

Laat hoor van julle en waar is jul in jul Tuisonderwys avontuur?

Groete

Maryna

2 comments:

ElizevdM said...

Dis goed om te hoor dat julle nog aangaan. Sjoe, 12 jaar van tuisskool, en nou is hulle amper klaar! Mooi gedoen!

Ons TO ook nog, het hierdie jaar ingeskryf by 'n Amerikaanse aanlyn privaatskool, maar dis nie soos die aanlyn skole waaraan ons hier in Suid-Afrika gewoond is nie. Ons kies nog steeds self ons kurrikula; ons doen nog steeds self die werk hoe dit ons pas, op die manier wat die seuns die beste leer. Ons moet net twee maal per jaar punte instuur, en as hulle praktiese goed doen (soos kooklesse, eksperimente, ens.) dan neem ek foto's en laai die ook aanlyn op.

Op die ou einde behoort hulle 'n Amerikaanse Hoërskool Diploma te kry. Ek volg nog steeds 'n 'mastering subject' beginsel met die seuns, behalwe dat ons van volgende jaar volgens 'n graad jaar sal moet werk, en hulle moet 70% minimum hê om 'n vak deur te kom. So Rocco sal dan gr.7 wees, en Adam gr.9.

Hulle is ook minimaal disleksies, so lees is 'n stryd, alhoewel Aam baie verbeter het in Engels. Rocco sukkel nog met albei tale, maar die nuwe Engelse program (The Good & The Beautiful)werk eintlik baie goed. Ek kan dit regtig aanbeveel vir iemand wat sukkel met taal. En Math Antics vir Wiskunde as iemand 'n probleem het, en deur die konsepte moet werk.

Stem verder saam met jou, ek verruil hierdie TO jare vir niks nie. Nog net 4-6jaar vir ons. Tyd sal leer hoe dinge uitwerk.
Groete,
Elize

Maryna Moolman said...

Wow, dit klink wonderlik. Mens dink 12 jaar is lank,maar dit vlieg so vinnig verby.

Post a comment