Kreatiwiteit die 3D skeppings

Matthew het altyd 'n voorliefde vir kunste gehad. Hy kan baie goed teken en het ure gespandeer met die Pivot stick figure animasie program.

Ek het 'n paar jaar gelede voete nat gemaak met Blender. Dit is 'n ongelooflike program waar jy drie dimensionele beelde skep en dit ook kan verander in animasies. Hierdie is dieselfde program wat mense gebruik om onder ander aan Happy Feet 2 te kon werk.

Net om nog 'n voorbeeld te gee, hier is een van die baie videos wat met Blender gemaak is. Hierdie is natuurlik die finale produk nadat al die bou, teksture ens aan mekaar gesit is.
 

 
  Hier onder is van Matthew se skeppings wat hy in van die kursusse leer. Hy leer tans nog hoe om met die program te werk en het begin basiese goed te 'bou' en te laat beweeg. Dit is 'n taamlike ingewikkelde program. Sodra jy die basiese onder die kniee het is die moontlikhede eindloos.

Spinnekop

Gesig

Blender kan gratis afgelaai word. Baie van die klasse/kursusse is gratis. Daar is egter 'n verdere opsie om 'n 'Citizen' te word by CG Cookie waar jy 'n x bedrag betaal per maand en dan het jy toegang tot alle kursusse. Ons het die opsie geneem.

Ons gee Matthew hierdie geleentheid om te groei en te skep. Hierdie kan 'n wêreld vir hom oopmaak van oneindige moontlikhede vir werkskepping in die toekoms. Ek sal soos hy vorder van tyd tot tyd sy vorderings plaas.

Indien jy vir jou kind hierdie program wil laat leer, maar seker hy/sy het baie tyd beskikbaar elke dag. 

Hier is 'n opvolg skrywe van nog skeppings.

Groete

Maryna

Ballon vuurpyl

Hierdie is 'n baie ou aktiwiteit wat ons jare gelede gedoen het.

Hoe om jou eie balon vuurpyl te maak.

In die video hier onder kan jul sien wat gebeur met die ballon. (die kwaliteit is nie baie goed nie, dit is 'n baie kort video)

What jy benodig:
2 stoele
wol/garing
ballon
strooitjie
kleefband


Wat moet jy doen:
Sit die twee stoele 'n distansie van mekaar af. Ryg die wol/garing deur die strooitjie en maak die wol aan die stoele vas. Blaas die ballon op en plak dit met kleefband aan die strooitjie vas, moet NIE die ballon knoop nie. Moet nie dat die ballon afblaas nie. Wanneer jy reg is, van een punt by die stoel los die ballon laat dit afblaas. Die ballon sal vinnig met die strooitjie na die ander stoel beweeg.

Wat het hier gebeur?
Wanneer die ballon afblaas, stoot dit lig deur die nek van die ballon. Die lug laat die ballon dus in die teenoorgestelde rigting beweeg.

Die wetenskaplike reël is: Elke aksie het 'n gelyke en teenoorgestelde reaksie.






Lekker speel!

Groete

Maryna

Die sportwêreld op ys

Wat 'n ongelooflike jaar in yshokkie en figuurskaats was dit nie vir die kinders nie. 

Die jaar het ook natuurlik afgeskop met hulle voete 'natmaak' in die yshokkie wêreld.

Makayla wat natuulik ook 'n figuurskaatser is, was eers baie versigtig en het nie gedink sy sal van die sport hou nie. Nou kan sy nie wag om te gaan nie en sê sy sal nie kan besluit tussen die twee nie. Sy het self haar eerste 'first star' (en 'n beker) gewen. Die eerste ster in yshokkie beteken beste speler van die wenspan. Sy was in die wolke en kon dit amper nie glo nie. Sy speel vinnig en hard en doen haar beste.

Makayla en haar duet maat Kathleen (ook 'n Tuisonderwys kind) het tweede plek verwerf in die 2014 Seal Junior Figure Skating Kompetisie.

Matthew is yshokkie mal. Hy wil bitter graag dit ook eendag as loopbaan doen (onder ander). Hy speel baie hard en aggresief (op 'n mooi manier). Hy is aangewys by die jaar se Prysuitdeling as die speler wat die beste gevorder het saam met 'n ander seun (die beker is tans by die ander seun se huis). Matthew het ook sy eerste 'first star' (met 'n medalje) gekry en twee keer 'second star' wat die beste speler vir die verloorspan is. Met die prysuitdeling het hy ook 'n spesiale geskenk gekry, sy eerste hokkie pit (hockey puck). Hy is in die wolke gewees.

Matthew het einde Oktober finaal sy figuurskaatse opgehang en besluit om slegs op yshokkie te konsentreer.

Yshokkie is nie net 'n vinnig sport nie, dit is fantasties vir fisiese oefening - glo my hulle sweet behoorlik. Die sport bou ook hulle selfvertroue op. Matthew is 'n totale ander kind as wat hy 'n jaar terug was. Hy was skaam en teruggetrokke, nou is hy 'n grapjas en praat en meng met almal.

As jy jou kind aan die gang wil kry en deel maak van 'n lekker 'familie' laat hul ten minste net die sport uitprobeer. Ek self is ook van plan om nog te probeer - moet natuurlik eers leer skaats (haha)

Groete

Maryna

Lake Eland Wildreservaat

In Augustus maand het ons as 'n verassing vir my man vir sy verjaarsdag na Lake Eland Wildreservaat gegaan en die nag daar oorgebly.

Hierdie plek moet op jou lys van plekke om te besoek in SA wees. Ongelooflik mooi. Jy is tussen die berge met die natuur letterlik op jou voorstoep. Die reservaat is nie baie groot nie, maar ongelooflik. Om die diere van nader te bekyk kan jy of in een van die begeleide voertuie gaan (teen 'n fooi), met jou fiets ry, stap, met jou eie voertuig of self op die perde.

Lake Eland Wildreservaat is net duskant Port Shepstone en ongeveer 92km van Amanzimtoti (waar ons woon). Dag besoekers kan 'n happie by die restaurant neem, die diere bekyk, jy kan daar trou en natuurlik die absolute hoogtepunt is die 'suspension bridge'. Jy kan ook die honderede trappe aandurf en afstap na die grotte toe. O ja en moet nie vergeet van die langste/hoogste 'zipline' nie, knyp die helfte van die dag af vir dit.(Ons het nie die keer op die zipline gegaan nie maar sal beslis volgende keer)

Al die huisies is teen 'n dam met jou stoep waar oor die water hang. Dit is werklik prentjie mooi. Van jou stoep aan die oorkant kan jy die diere sien rondstap. Die foto van die Kameelperd hierbo is een van die baie fotos wat ek geneem het van my stoel af by my huisie.

Daar is ook 'n kampeerarea vir diegene wat tent wil opslaan en visvang.

Besoek beslis die wildreservaat, dit is ongelooflik.

Groete

Maryna

Illovo Kwekery en Teetuin

'n Paar maande gelede het ons Illovo Kwekery en Tee tuin besoek. Dit is 'n pragtige kwekery in die hartjie van Illovo. Diegene wat nie weer waar Illovo is nie, dit is net langs Amanzimtoti, ongeveer 45km van Durban aan die kus.

Oulike gemeenskap en natuurlik baie Afrikaanse mense. 'n Plek so na aan ons hart :)

Daar is nie net plante om te bekyk nie, maar ook 'n paar klein winkeltjies onder ander 'n tweedehandse boekwinkeltjie ens, 'n teetuin en 'n klein diertjie plaas.

Die kinders het die geleentheid gekry om 'n paar kouebloediges te bevoel en te bekyk. Makayla was glad nie beindruk gewees nie. Matthew het natuurlik nie die geleentheid laat verby glip nie.

Hulle het ook die geleentheid gekry om 'n paar hase te voer.

Groete

Maryna

Kurrikulum vir 2015

Die jaar is amper op sy rug en ek is besig om my beplanning saam te stel vir 2015.
Vir diegene wat wil weet wat ons gaan doen/besig is om te doen.

Engels: IEW (verskeie)

Grammatika: Fix It! Grammar Boek 1: The Nose Tree

Onderwyser hulpmiddel (myne) Teaching Writing Structure and Style 

Skryf: Student Writing Intensive vlak B

 
Engelse Spelling: Sequential Spelling


Maak klaar met vlak 1 en beweeg dan oor na die vlak 2 boek.




Wiskunde: Math U See

Maak klaar met Delta vroeg 2015, gaan oor na Epsilon.

Afrikaans:
'n Mengsel van boeke en aktiwiteite. Moontlik verskeie speletjies, Afrikaanse reëls, gedigte, lees verskeie boeke.

Geskiendenis: SOTW

Nog besig met Volume 1, sal deur jaar oorgaan na Volume 2.

Wetenskap: Science in the Beginning

 

Maak klaar met Science in the Beginning deur die loop van die jaar en beweeg dan aan na aktiwiteite van Ellen McHenry's Basement Workshop.

Aardrykskunde: Die Aarde Ensiklopedie

Die Aarde Ensiklopedie gaan een van ons bronne wees en met dit gaan ons verskeie aktiwiteite doen en lesse om dit bou. Hou die blog dop vir indiepte studie van die boek.

 

Bybel: Learning the Word in Life

Ons gaan boek een klaar maak en oorbeweeg na boek twee.




Kuns:
Lesse verskeie crafts en idees van Pinterest en uit verskeie boeke. Ook formele lesse van Paint Basket.

Addisioneel:
Matthew neem formele klasse/kursusse deur CG Cookie, wat die program Blender aanbied. Dit is 'n 3D ontwerp en animasie program. Sal 'n post inskrywing hieroor doen.

Sport:
Yshokkie.  

Hier mag moontlik 'n paar dinge verander of bygevoeg word met tyd.

Groete

Maryna

Natuurwetenskappe Graad 4 tot Graad 12

Vir diegene wat moontlik van die CAPS boeke wil gebruik maak. Hier is die skakels na GRATIS e-boeke.

Graad 4 tot 6 Thunderbolt kids - Studente en Onderwysergids

*Graad 7 - MTS Workbooks Natuurwetenskappe (aanlyn in Afrikaans)
*Graad 7 - MTS Workbooks Tegnologie (aanlyn in Afrikaans) 
*Graad 8 - MTS Workbooks Natuurwetenskappe (aanlyn in Afrikaans)
*Graad 8 - MTS Worksbooks Tegnologie (aanlyn in Afrikaans)
*Graad 9 - MTS Worksbooks Natuurwetenskappe (aanlyn in Afrikaans)
*Graad 9 - MTS Worksbooks Tegnologie (aanlyn in Afrikaans)
**Graad 10 - Everything Science (in Afrikaans)
**Graad 11 - Everything Science (in Afrikaans)
**Graad 12 - Everything Science (in Afrikaans)

*Neem kennis: Die MTS Workbooks vir Tegnologie en Natuurwetenskappe Graad 7 tot 9 se skakels soos hierbo is om die aanlyn weergawe te sien. Indien jy die pdf boeke wil aflaai gaan na die skakel Aflaaibares. 
**Neem kennis die Graad 10 tot 12 Everything Science boeke in Afrikaans - Aan die regterkant is die skakel na die pdf Afrikaanse Handboek en Onderwyserboek.

Vertrou hierdie sal van nut wees vir iemand.

Groete

Maryna 

Skakels opgedateer 25 Augustus 2015

Gewyde liedjies vir die jongspan

Ek het op 'n boekie afgekom wat my kinders gekry het toe hulle nog in die kleuterskool was jare gelede.

Ek deel graag die liedjies met julle. Ek ken wel nie almal nie en ook nie al die versies nie maar dalk kan jul dit gebruik :)

Jesus is so lief vir Kinders

Jesus is so lief vir kinders,

Hy roep kindertjies na Hom.

Geel of wit of swart of bruin,

Elke kindjie groot en klein.

Jesus roep nou al die kindertjies na Hom.

God is so goed

God is so goed  x3

Hy’s so goed vir my

Hy maak my vry.

Hy maak my bly.

Hy is so goed

Hy’s so goed vir my.

Hy hou die hele wêreld

Hy hou die hele werêld in Sy hand x3

Hy hou ons almal in Sy hand.

Hy hou vir Mamma en Pappa in Sy hand x3

Hy hou ons almal in sy hand.

Saggeus

Saggeus was ‘n klein, klein man

Kort en klein was hy.

Toe maak  hy ‘n slim, slim plan

Want Jesus stap verby.

En hy wou ook vir Jesus sien

Toe klim hy in ‘n boom.

Maar Jesus roep: “Saggues Kom!”

Ek wil by jou woon.

Ek wil by jou woon.

Noag se ark

Daar was ‘n perd en ‘n bees en skaap

En ‘n vark en ander diere in Noag se ark.

Die Here het gesê

“ ‘n ark moet jy bou,

Die reen kan maar kom,

Ek sal sorg vir jou.”

Noag was getrou,

‘n ark het hy gebou.

Loof Hom met die tromme

Loof hom met die tromme,

Loof Hom met die harp,

Loof Hom met die klinkende simbale,

Alles wat asem het,

Loof, loof die Here.

Alles wat asem het,

Loof, loof die Heer.

Stille Nag

Stille nag, Heilige nag!

Jesus kind lank verwag

Lig uit lig, uit die Vader se ryk,

Word uit liefde aan mense gelyk.

Loof die hemelse kind x2

Ho-Ho-Ho-Hosana

Ho-ho-ho-hosanna

Hier kom Jesus aan

Hy kom as ‘n koning

Kom ons loof Sy naam.

Dit borrel in my

Dit borrel in my want ek is so bly,

Jesus het my lief.

Vir my’t Hy gesterf en

Gered van verderf.

Ja, Jesus het my lief.

(herhaal lied twee keer)

Ek is lief vir Jesus

God het my lief x 2

Ek lees dit in die Bybel

God het my lief.

Jesus kan alles doen.

Jesus kan alles doen,

Alles doen, alles doen

Jesus kan alles doen,

Alles doen.

(herhaal lied drie keer)

Vader Abraham

Vader Abraham het baie seuns,

Baie seuns het Vader Abraham.

Ek is een van hul en so ook jy

Kom sing saam en wees bly!

Kyk links!

Kyk regs!

Sit plat

Die Wyse man

Die wyse man ou sy huis op die rots x 3

En die reen het neergeval

En die reen val neer en die vloed styg op x 3

Die dwase man bou sy huis op die sand x 3

En die reen het neergeval

En die reen val neer en die vloed styg op x 3

En die huis op die sand val plat

Kumbaja

Kumbaja O heer, kom na my x 3

O He-re bly by my.

Laat jou liggie skyn

Laat jou liggies skyn x 2

En sal my lig laat skyn x 2

Laat dit skyn, laat dit skyn, laat dit skyn.

Weet jy nie, jy’s ‘n temple

Weet jy nie, weet jy nie,

Jy’s ‘n temple. X 3

Jy is ‘n temple van die Heilige gees.

Vol van lof, vol krag,

Vol van vreugde. X 3

Jy is ‘n temple van die Heilige gees.

The love of Jesus

The love of Jesus is so wonderful x 3

Oh, wonderful love.

It’s  so high, you can’t get over it

It’s so low, you can’t get under it

It’s so wide, you can’t get around it

Oh, wonderful love.

Kyk hoe dat die voëltjies vlieg

Kyk hoe dat die voëltjies vlieg.

Sommer so, hoog daarbo.

God laat al die voëljies vlieg.

Hoog daar bo.

Hy doen soveel meer vir my.

Ek sal altyd dankbaar bly

En my nie bekommer nie,

Hy’s by my.

Keer jou tong

Keer jou tong van kwaad-praat,

Keer jou tong.

Keer jou tong van kwaad-praat,

Keer jou tong van jou lippe van stories dra.

Keer joutong van kwaad-praat

Keer jou tong.

Lekker sing ;)

Groete

Maryna

Livebinder - jou aanlyn webblad boekmerk kortpad

Meeste mense boekmerk sekere webbladsye in hulle 'browser' om later weer daarna te kyk. Het jy al ooit gevind dat al het jy bladsye geboekmerk dat jy soms nie weet wat dit was of waarvoor nie?

Al ooit gehoor van Livebinder? Livebinder is 'n virtuele lêer, dit is 'n beter manier om gunstelling webbladsye te boekmerk en almal onder een plek te stoor en vinnig kan kyk wat is waar en vinnig iets te soek. Dit is ook 'n bonus indien jou rekenaar nie meer wil saamwerk dat jy steeds al jou gunstelling webbladsye veilig kan stoor.

Jy kan jou 'lêer' stoor as 'n privaat een waar net jy dit kan sien, of jy kan dit oopstel waar almal in die publiek dit kan sien. Keuse is joune. 

Hier onder is 'n voorbeel van een van my 'lêers'. Hier sien jy die boonste gedeelte met elke afdeling en die bladsye wat ek onder die afdeling gestoor het. Jy kan bladsye byvoeg deur dit te 'link' of met die Livebinder se knoppie in jou 'browser' te instaleer. Jy kan maklik en vinnig webbladsye stoor presies onder die afdeling waar jy dit wil hê. 

Bo kan jy sien dat ek die Wetenskap 'Science' vak oop het (Die donker blou gedeelte). Onder dit in grys vertoon die bladsye wat ek onder Wetenskap gestoor het. 

Bo kan jy sien dat ek op ARKive gekliek het. Binne in Livebinder kan jy die webbladsye sien. Jy kan so na alles binne daai webbladsy kyk of jy kan die skakel net bo die prentjie volg om na die amptelike losstaande webbladsy te gaan.   
Om dit so deur Livebinder te stoor kan ek vinnig na elke webbladsy kyk sonder om fisies eers deur net name van boekmerke wat dalk gestoorr is te gaan kyk om te kry wat ek soek - al het ek dit in verskillende afdelings.

Bo is nog 'n voorbeeld van een van my kuns (papierkuns) bladsye.

Jy kan gratis aansluit. Met die gratis rekening kan jy tot 10 'lêers' skep en tot en met 100 MB stoor. Jy kan selfs jou eie dokumente oplaai. Gaan gerus na Livebinder en kyk presies hoe dit werk, speel rond en geniet dit.

Dit is baie eenvoudig en maklik om te gebruik.

Geniet dit en organiseer jou Tuisonderwys skakels op 'n maklike manier.

Groete

Maryna

Bly Glo

2014 was moontlik sover een van die moeilikse jare ooit vir ons.

Met alles wat oor ons pad gestap het die jaar staan ons steeds sterk. Ons het gelag en ons het baie gehuil, ons was moedeloos en ons het hoop gevind.

Ek is seker almal het al sulke seisoene in hul lewe ervaar. Ongeag hoe omstandighede ons in die grond wil druk moet ons altyd bly glo. Elke probleem is tydelik en elke situasie kan ons na terug kyk en verstaan hoekom dinge gebeur soos dit gebeur.

Ek glo vas dat alles gebeur vir 'n rede. Meeste situasies wat oor ons pad stap is deur 'n keuse wat ons iewers gemaak het en dit die gevolg daarvan was.

Deur alles moet ons altyd bly glo in God. Altyd bly vertrou dat die son more weer sal skyn. Vertrou op uitkoms en glo vir genesing.

Ek deel graag 'n gunstelling teksvers:

"Wees nie bevrees nie, want Ek is met jou; kyk nie angstig rond nie, want Ek is jou God. Ek versterk jou, ook help Ek jou, ook ondersteun Ek jou met my reddende regterhand." Jesaja 41:10 

God sien ons raak, Hy hoor ons gebede, Hy antwoord op Sy tyd.

Vertrou en Glo!

Liefde

Maryna

Hoe gemaak met Engelse Spelling?

Vir ons Engelse kurrikulum gebruik ons LLATL (Learning Language Arts through Literature). Ek en die kinders is mal oor die kurrikulum.

Spelling is 'n bietjie lig in die broek met LLATL. Dit is slegs ons persoonlike ondervinding en ek weet baie ouers verskil van my.  Die kinders is in 'n fase waar hulle skryfstukke moet doen, maar kan nie eens behoorlik spel nie. Met die gevolg skryf kan 'n traumatiese ervaring wees.

Ek het gesoek en rond gevra, na voorbeelde gekyk en nog meer. Ek moes iets vind wat die kinders geniet om te doen, wat nie vervelig is nie, waar hulle werklik leer hoe om te spel en dit moet natuurlik bekostigbaar wees.

Ek het verskeie kere gelees van Sequential Spelling. Ek het na die voorbeelde gekyk en die e-boek van die eerste boek in die reeks gekoop .

Ek is werklik baie aangenaam verras. Die kinders is mal daaroor, hulle vra elke keer om nog woorde te doen of as die dag begin wil hul die graagste spelling doen. Ek moet eerlik sê is nie aldag dat sulke goed gebeur nie. :)

Hoe ons die program volg:
Die kinders het elk 'n hardeband boek waarin hulle skryf. Heel bo aan elke bladsy skryf hulle Day 1, Day 2 ens. Slegs 1 dag per bladsy - al is dit net 'n paar woorde. Die eerste paar dae het 'n paar woorde, van dag ses is dit 20 woorde en later beweeg dit aan na 25 woorde per dag.
Ek sê vir hul die woord, ek gee 'n sin vir die woord en herhaal die woord. Sonder dat hul ooit die woord gesien het skryf hul die woord soos hulle dink dit gespel word. 
Ek skryf dan die hoof woord waaruit gebou word soos bv 'in' op die witbord neer in groen en dan die ander letters in blou of rooi. 
As hulle woord verkeerd is, vee hulle dit uit en skryf die regte woord neer. As hul woord reg was, maak hulle 'n regmerkie langs die woord.
Dan beweeg ons aan na die volgende woord. Elke woord word eers geskryf en dan wys ek en hul maak reg en dan eers bewees ons aan.
Die hele doel is dat hulle dit dadelik reg maak en dadelik die regte spelling daarvoor sien en skryf.
Moet nie dat hulle die hele lys skryf en dan eers reg maak nie, hulle gaan nie so leer nie.

Hier is 'n voorbeeld van die eerste paar dae.

Om meer te verduidelik:
Hulle begin by die woord 'in'. Dan is 'in' die basis van alle woorde wat volg, 'pin', 'sin', 'spin' ensovoorts. Die woorde word in groepe aangebied.

Ons het vandag dag 6 gedoen en albei my totale Afrikaanse kinders het 'beginnings' geskryf sonder om 'n fout te maak. Ja, dit is hoe goed die program werk. Om die waarheid te sê is ek skoon uit die veld geslaan oor hoe vinning hulle in 'n kort tyd vorder. Die wonderlikste vir my is dat hulle dit so baie geniet. 

Die kinders leer ook die homofone van woorde wat dieselfde klink maar anders geskryf word. As so 'n woord voorkom, verduidelik ek wat dit is en wys vir hulle hoe dit gespel word.

Almal onthou seker hoe ons spelling geleer het op skool, skryf die woord x keer uit, maar 'n sin met dit. Vrydag skryf jy toets. *Gaap* Nie met die program nie.

Doen gerus die eerste paar dae wat jy gratis as voorbeeld kan aflaai. Almal moet by boek 1 begin maak nie saak hoe goed hul al kan spel nie.

Indien jul dit gaan aanpak, laat weet my hoe dit gaan.

Groete

Maryna

Oeroue plante - Welwitschia

Indien julle tans besig is met plantestudie kan julle hierdie 'ou' plant ondersoek.

Nou wat op des aarde is 'n Welwitschia plant? Kyk hierdie infografika oor hierdie oer oue plant en waar dit voorkom.

Het jy geweet dat die algemene Afrikaanse naame vir die plans is die Tweeblaarkanniedood.

Jy kan meer by Wikipedia lees oor die plant.

Groete

Maryna

Infografika: Muskiete en Malaria

Leer meer oor muskiete en die dodelike siektes wat hul dra naamlik Malaria.
Sien die infografika oor Malaria

Leer meer oor Malaria.
Leer meer oor die muskiet.

Groete

Maryna

Boek loer: Geheimenisse van die Natuur en die Wetenksap

Dit is geen geheim dat ons 'n voorliefde vir Wetenskap het nie. Die wêreld is so ongelooflik en daar is so baie om te ontdek.

Die boek Geheimenisse van die Natuur en die Wetenskap uitgegee deur Protea is 'n ongelooflike boek. Die fotos is uit die boonste rakke, kleurvol en propvol inligting. Op elke bladsy kan jy ook verder gaan soek by die internetskakels vir verdere inligting, videos en nog veel meer.

Die boek bestaan uit twee dele: Geheimenisse van die natuur en Geheimenisse van die Wetenskap.
Onder die natuur kan jy vind: Voeding; Beweging; Aanval; Verdediging; Verhoudings; Kommunikasie; Lewensloop; Tuistes; Uiterstes; Sintuie en spesial kenmerke.
Onder die wetenskap kan jy vind: Van nader gesien; Maar dis mos materie; Reg en weg; Bewegende molekules; Briljante vonke; Sien die lig; Tegnologiese praatjies en Beheerliggaam.

Die boek is 'n stewige 224 bladsye.

Sien hieronder 'n paar voobeelde uit die boek.

Vleisvretendeplante

Hier kan jy 'n video sien hoe die vlieëvanger sy prooi vang.

Venus flytrap video

Glip en gly

Hierdie video wys vir ons hoe geitjies aan 'n muur kan 'vas plak'.

Goggas

Piepklein Pioniers

In die video hieronder kan meer sien oor die Afrika besie.

Robotte

Die Robotte kom!

In die video hieronder is 'n voorstelling van hoe robotbye tot die mensdom se redding sal kom.

Van die videos wat ek hierbo gewys het en nog baie meer kan alles gevind word by die skakels in die boek. 

Ons lees gereeld uit die boek en kyk na al die videos en verken die onderwerpe. Werklik een van ons gunsteling boeke.

Geniet dit!

Groete

Maryna

Wetenskap in die Begin

Dit het ons 'n geruime tyd geneem om die perfekte Wetenskap Kurrikulum/boek te vind. Hierdie jaar het ons begin met die boek Science in the Beginning deur Dr Jay Wile. Wat 'n absolute wonderlike boek!

Soos jy sal merk in die titel van die boek Science in the Beginning is die boek uiteengesit volgens die skeppings dae. Dit begin by dag een van die skepping en beweeg dan deur tot dag ses. Met elke les is daar 'n praktiese ekspriment wat gedoen word, daarna is daar vrae wat die kinders kan antwoord en 'n skrywe of tekening wat hul doen. In die boek word aanbeveel dat die kinders alles in 'n joernaal doen. Ons het net 'n gewone hardeband boek gebruik hiervoor. Saam met die teksboek is daar ook 'n ouerhulpboek.
 

Leer van lig

Die boek is maklik uiteengesit. Enige ouer kan dit verstaan en geen graad is nodig om Wetenskap vir die kinders te leer nie. Baie ouers het 'n vrees vir Wetenskap of hou glad nie daarvan nie. Met hierdie boek is alles stap vir stap verduidelik. Alles wat jy en die kinders moet weet en ook alles wat benodig word, word gelys. Daar is geen spesiale items wat benodig word vir die eksprimente nie, net basiese goed wat reeds in jul huis sal wees. Daar is 'n handjievol ander items wat jy benodig. 

Leer van kleure en lig

Voor ons die boek gekoop het, het ons eers die voorbeelde afgelaai en deur dit gewerk. Jy kan dit hier aflaai van die uitgewer se blad. Van die eerste oomblik wat die kinders met die boek begin het was hulle mal daaroor. Dit is prettig en maklik om te verstaan. Hul wil net aangaan met die volgende les sodra een klaar is.

Diegene in Suid Afrika kan die boek aankoop deur Oikos Ministries.

Die boek is deel van 'n reeks waarvan die eerste twee reeds beskikbaar is. Ons doen slegs die eerste boek in die reeks. Verskillende grade en ouderdomme kan saam die lesse doen.

Wat die lig is.

Hoe ons kleure sien.

Hoe ons die boek gebruik:
Ons maak alle benodighede bymekaar vir die ekspriment. Ons doen die ekspriment. Ek lees dan vir hul die les. Alhoewel dit in Engels is, verstaan die kinders wel maar ek verduidelik ook in Afrikaans. Daarna sal die kinders die vrae antwoord oor die les, ietsie skryf in hul joernaal en 'n prentjie daaroor teken.

Hier is 'n paar videos van eksprimente wat Dr. Wile gedoen het.

Lig

 

Wind

Wolk formasie

Hier is 'n goeie artikel om te lees Dr Jay's Top 10 Homeschool Science Tips.

Ons is werklik baie beindruk met die boek en ek sal dit hoogs vir almal aangeveel.

Groete

Maryna