Wat leer jy jou kind?

 

As daar een ding is wat krities is vir my vandat ek begin Tuisonderwys het, is die feit dat ek weet wat my kinders leer en dat ek altyd betrokke is. Dit sal geld tot die dag wat hulle klaar maak met skool.

Ek het onlangs in ‘n groot debat betrokke geraak op ‘n internasionale Tuisonderwys forum oor Suid Afrika. Dit was baie duidelik dat baie ouers en spesifiek Tuisonderwys moeders nie werklik heeltemal betrokke is en weet wat hulle kinders leer en nie leer nie. Dit is regtig baie hartseer. Wat is die nut van Tuisonderwys dan?

Ek was gebombadeer deur ‘n opmerking wat ek gemaak het nadat daar ‘n plasing was oor Suid Africa. Die grootste skok is dat hierdie sogenaamde feite beskikbaar gestel gaan word in ‘n baie bekende internasionale kurrikulum. ‘n Kurrikulum wat ‘n groot treffer onder Tuisskolers is. Ongelukkig is die sogenaade feite baie eensydig en nie goed nagevors nie. Daar word ‘n beeld van ons land geskep wat total en al onwaar is.

Behalwe vir die negatiewe uitkyk van ons land, baie van die ouers wat my aangeval het is onder die indruk dat Suid Afrika basies die Suide van Afrika is. 

Nou vra ek myself dit, hoe op des aarde is so iets moontlik? Hoekom doen mense nie hulle huiswerk en behoorlike navorsing voor hulle kommentaar lewer. Kommentaar moet gestaaf word deur feite en nie wat mense in die media sien en wat jy maar net dink nie. Onder ander is mense onder die indruk dat SA dieselfde is as Sudan. Daar is werklik ‘n eenvoudige oplossing tot sulke dinge en ons noem dit ‘n wêreld kaart. Gaan lees, soek dit op, doen navorsing, dit is so maklik soos dit.

Een moeder het vir my geskryf dat sy nie tyd het om navorsing te doen en te gaan staan en oplees oor goed nie, haar kinders doen hulle eie navorsing. Dit is skokkend! Dit bewys weereens dat baie ouers kies Tuisonderwys as ‘n vinnige uitkoms om hul kinders nie ‘n publieke skool te plaas nie.Hoekom dan Tuisonderwys? 

Hoekom wil enige ouer Tuisonderwys as hulle nie die tyd daarin wil belê nie? Ek is werklik seker ek is nie die enigste een wat so dink nie. Voor jy as ouer iets vir jou kinders leer, wees betrokke! Maak seker jy weet wat jou kind leer. Al is jou kind ouer moet jy nogsteeds betrokke wees! Moet nie net op die internet staatmaak vir informasie nie, die media kan dinge baie anders laat lyk as wat dit werklik is. As jy kommentaar lewer op gesprekke, maar seker van jou feite!!

Wees daar vir jou kinders!

Groete

Maryna

Die klug van die "Freebies"

Hoe lekker is dit om van die Tuisonderwys groepe of blogs en ook webbladsye al die oulike 'Freebies' te sien. Al wat 'n mens wil doen is net aflaai en dit te hou vir daai dag as jy dit dalk wil gebruik.

'Freebies' kan 'n goeie ding wees. Ongelukkig kan dit ook 'n klug wees. Ja, vra my ek weet. Jy laai dokument vir dokument af. Soms kyk jy gou wat dit is. Ander kere bere jy dit vir later en vergeet daarvan.

Eendag sit jy en gaan jy deur jou eksterne hardeskyf en kyk wat jy kan gebruik. Jy vind jouself oorweldig deur die honderede 'oulike' skoolgoed wat jy afgelaai het. Jy begin stadig maar seker te kyk wat is wat. Kan jy dit gebruik of kan jy dit maar asblik toe stuur?

Ons mors baie tyd deur al die goed wat ons aflaai vir daai dalk dag. Neem 'n besluit vandag. Moet nie alles aflaai wat jy sien is gratis nie.

Kyk presies wat dit is voor jy aflaai. Gaan jy dit werklik gebruik? Indien jy dink dalk, maar dalk nie, los dit dan eerder. Laai net af wat jy werklik gaan gebruik. Hierdie geld veral vir goed wat net vir 'n beperkte tyd gratis beskikbaar is. Boekmerk dan eerder daai bladsy en gaan kyk weer op 'n later stadium. Jy sal verbaas wees om te sien wat is tog weer later beskikbaar.

Hier is waar 'n beplanner ook baie handig is. As jy presies weet wat jy wil doen min of meer wanneer en jy sien iets iewers gratis en dit pas by jou program in, dan laai jy dit af. 
 
Groete

Maryna

Boek loer: Papiervliegtuie

Na 'n besoek aan Bargain Books het Matthew hierdie boek gesien van papiervliegtuie. Soos enige seun hou hy baie van speel en bou.

 

Die boek is baie eenvoudig uiteengesit. Dit begin deur vir jou die basies en ander voue stap vir stap te wys. Dit word gevolg deur 'n paar speletjies wat gespeel. Daar is ook 'n handige deel van punte kaartjies. Die grootste deel van die boek is mooi bladsye wat jy uithaal om jou vliegtuigies mee te vou.

Alles wat jy benodig is in die boek. Alhoewel dit in Engels is, het jonger kinders maar net prentjies nodig om dit te volg. Ma kan maar die instruksies van die speletjies lees. Hierdie boek is enige jong seun se droom boek.

Die basiese vou terme

Verskillende speletjies wat gespeel kan word.

Mooi papier om die ontwerpe mee te vou.

Van die goed wat ingesluit is in die boek.

Hierdie kan ook 'n oulike geskenk wees vir 'n besige seun. Daar was 'n verskeidenheid van boeke oor papiervliegtuie. Gaan loer gerus by Bargain Books.

Lekker speel.

Groete

Maryna

Beplanning

Vir 2014 het ek besluit om bietjie meer beplanning te doen.

So beplan ek die hoe, wat en wanneer:

Die hoe en wat begin met 'n begroting van watter boeke vir die skool loopbaan benodig gaan word. Ek het vooruit beplan vir al die jare se beraamde kostes. Daar is 'n basiese raamwerk per jaar, alhoewel dit nie werklik onvoorsiende kostes insluit - soos daai "net gou hier by Bargain Books kyk" uitsappies nie.

Maar hoe is ook natuurlik wanneer wat gedoen gaan word. Ons probeer by 'n basiese skedule hou maar dit verander gereeld. Veral vir daai onvoorsiende dae wat iemand siek is of 'n kuier by ouma of 'n uitstappie iewers heen.

Ek het altyd probeer 'n dagboek en my rekenaar gebruik om op te stel wanneer wat gedoen moet word. Maar ek het daarteen besluit vir die komende jaar. Ek het op my Andriod Tablet rekenaar 'n oulike 'app' Homeschool Helper. Dit is ook beskikbaar vir iPad. Ek sal nog 'n volledig pos inskrywing van die 'app' doen.

Sien 'n video hieronder van hoe dit werk.

Lesse uit boeke word gedoen deur eenvoudig van voor na agter deur te werk. Dit sluit in enige iets van werkstukke wat gedoen moet word of iets wat ons uit 'n nie-fiksie en fiksie lees.

Vir boeke wat 'n ietsie ekstra nodig het, kyk ek eers wat behandel word en dan maak ek 'n lys van ander boeke wat ons ook moet gebruik en besoek die biblioteek as ons dit nie het nie. Dit beteken wel meer voorbereiding van my kant af.


Ek maak ook baie gebruik van die internet en sy hulpmiddels.

Die wanneer van die beplanning strek gewoonlik oor 'n periode. Ek probeer om die basiese algemene beplanning een keer te doen. Maar soos ons uit nie-fiksie boeke werk, word beplanning weekliks en soms daagliks gedoen.

Ek hou daarvan om te weet 'waar' ons is en 'waarheen' ons beweeg. Ek hou nie daarvan om soos 'n hoender met 'n af kop rond te hardloop en soek na goed. My kinders moet weet dat ek in beheer is. Dit help ook dat hulle nie onseker is oor wat aangaan nie.

Dit is maklik om te beplan, maar om daarby te bly is natuurlik iets heeltemal anders.

Beplan jy? Deel jou insette.

Groete

Maryna

Teken 'n apie

Die kinders geniet dit vreeslik baie om te teken. Veral as dit uit boeke is wat hulle presies wys hoe om te teken.

Hierdie stap vir stap tekening kom uit die Groot Tekenboek voor beginners deel een by Philippe Legendre. Dit is 'n Nederlandse boek wat ek tweedehands by ons Boeremark gekoop het. Dit is 'n baie oulike boeke met 'n groot verskeidenheid diere om te teken en dan hoe jy alles saam kan voeg in een kunswerk.

Hier kan jy sien hoe om die apie te teken.

Die is met olie pastelle geteken.

Makayla

Matthew

Dit is oulike hoe die kinders elkeen hulle eie 'stempel' op die tekening sit.

Deel gerus julle apie tekeninge met ons.

Groete

Maryna

Bybel papier kuns aktiwiteite

My little House is moontlik een van die oulikste plekke om van Jesus te leer op 'n prettige manier.

Elke maand plaas Martin Didier (die skepper en meesterbrein agter die blad) knip en plak kalenders met 'n Bybels tema. Dit is wel in Engels maar dit kan maklik vir jou kinders in Afrikaans verduidelik word. Dit is nie net 'n kalender nie, maar daar is 'n les of tema saam elke maand.

Voorbeeld: September maand hieronder gaan oor koning Salomo. Daar word kortliks verduidelik wat gebeur het en dan ook teks verse wat jy moet gaan opsoek en lees.

Van tyd tot tyd word nuwe Bybel papier 'speelgoed' bekend gestel. Hierdie stelle is ideaal om nie net vir jou kinders van God te leer nie, maar dat hulle ook self die verhale in die Bybel kan uitbeeld deur spel. Die papier modelle is eenvoudig en nie moeilik om te bou nie. Ek stel egter voor dat jy dit saam met jou jonger kind doen en dit 'n familie projek maak.

Sien hieronder die dorp Bethlehem.  Hierdie is 'n pragtuk en kan 'n kind vir dae lank besig hou om die geboue en mannertjies aan mekaar te sit.

Gaan loer gerus op My little House se webblad. Daar is baie om te sien, neem dus jou tyd en snuffel rond.

Groete

Maryna

Kameelperd - teken en vou

Die wonder van 'n kameelperd.

Die kinders het bietjie kreatief geraak en die ou langnek teken met olie pastelle. 

Makayla se Kameelperd

Matthew se Kameelperd

Die teken les was geneem uit die Nederlandse boek Groot Tekenboek Voor Beginners Deel een. Ek het hierdie boek gevind by ons plaaslike plaasmark vir slegs R10. Alhoewel dit in Nederlands is, hoef 'n mens net die prentjies te volg.

My kameelperd het ek geteken en geverf met pen en waterverf. Dit was deel van 'n waterverf klas wat ek doen deur Paint Basket. 

My kameelperd (Pen en waterverf)

Sien die infografika om meer te leer oor die Kameelperd.

Vou 'n Kameelperd

Kameelperd origami

Die kameelperd origami hierbo kan oorspronklik HIER gevind word.

Jonger kinders kan die onderste een probeer.

Al die instruksies kan HIER gevind word. 

Vir die wat heelwat ouer kan die knip en plak een probeer.

Die volledige drukbare patroon en instruksies kan van die Canon Creative Park se blad afgelaai word. 

Loer ook op Pinterest rond, daar is oulike idees vir Kameelperde wat jy met toiletrolletjies kan maak.

 
Lekker speel en leer!


Groete

Maryna

Renoster

Wat is die verskil tussen 'n swart en witrenoster?

Leer meer oor renosters:
Onewetonige hoefdiere
Afrika se groot vyf
Hefbome: Hoe jy speel speel 'n renoster optel

Wat moet word van ons renosters deel 1 en deel 2
Bedreigde spesies
Bedreigde soogdiere in ons land
Suid Afrikaanse soogdiere word bedreig
Red die renoster

Vir die peuters en kleuters: Die Bester klub

Hierdie is vrae wat gevra kan word hoe kinders van soogdiere kan leer. Dit kan aangepas word om vir enige tema of eenheid gebruik te word.

Verskil tussen 'n klapper en vuurwerke

Wat is die verskil tussen 'n vuurwerk en 'n klapper? Kyk na hierdie infografika om jou meer te leer.

Periodieke tabel

Laat die Periodieke tabel van Elemente Hier af.

waar jy meer kan leer

Op Mieliestronk kan jy meer leer oor die Periodieke tabel. Onder ander kan jy ook leer oor die verskillende Chemiese reekse waaruit die tabel bestaan. (onder op die bladsy is nog 'n aflaaibare Periodieke tabel)

Vir 'n interaktiewe tabel, gaan HIER. Jy kan op die verskillende elemente kliek waar 'n verduideliking sal verskyn. (werklik 'n baie oulike blad.)

Algemene veiligheid vir Chemie.
Geskiedenis van die Periodieke tabel.
Samestellings van die Periodieke tabel.
Gebalanseerde Chemiese Vergelykings.
Aflei van bindingsmoontlikhede.
Periodieke tabel aktiwiteite.
Plastiek: Graad 7
Taal van Chemie.

Maak 'n "been"

Wat jy benodig:
Gekleurde karton
Sker
Gom
Kleefband
Strooitjies

 Maak so:
1. Neem die gekleurde karton en knip dit dieselfde grootte as die lengte van die strooitjies.
2. Smeer die hele vel met gom.
3. Plaas die strooitjies op die vel.
4. Plak ongeveer 3 stukke kleefband oor die strooitjies - bo, middel en onder, vir ekstra versterking.
5. Rol die karton met strooitjies op en plak buite om vas met kleefband.

Doel van die aktiwiteit:
Hierdie is 'n voorstelling van hoe 'n been binne lyk. Been is nie solied nie, dit groei in 'n sirkel van pype. Bloedvate in die pype neem kos en suurstof na die been. Indien 'n been solied sou gewees het, sou dit vir mens onmoontlik gewees het om jou bene te kan optel weens die swaar gewig daaraan.
Die kind kan bo op die 'been' met sy gewig druk om te sien hoe sterk dit is.

Anatomie T-hemp

Teiken ouderdom: 7 tot 12 jaar

Doel van die aktiwiteit: Hersiening van die basiese interne organe.

Besonderhede: Met hierdie aktiwiteit word die interne organe nagetrek op 'n wit T-hemp. Die kind kan dit inkleur of verf. Patrone word verskaf vir die natrek van die organe.

Hierdie aktititeit is saamgestel deur Ellen McHenry en is met toestemming vertaal en aan Afrikaanse Tuisskolers beskikbaar gestel.

Die aktitwiteit kan HIER afgelaai word.

Bepalings: Moet asseblief nie die dokument aanstuur nie, enige iemand is welkom om dit hier af te laai. Respekteer die kopiereg van die eienaar.

Boere Geskiedenis

Die Jameson inval

Laai die boek Hier af. Dit kan ook aanlyn gelees word by 'Internet Archive'. Lees ook meer hier Die oorlog oor Suid-Afrika Die Jameson-inval. 

Die Groot Trek

Lees die boek Die Groot Trek deur T.V Bulpin (die boek was ongelukkig aanlyn beskikbaar om te lees maar is verwyder)
In die boek sal jy meer leer oor die trekke van Trichard en van Rensburg. Andries Hendrik Potgieter en die Matabele. Piet Retief en die Zoeloes. Die Zoeloe-Stormloop. Andries Pretorius en Bloedrivier. Laastes die gevolge.

Lees ook hieronder meer van die Groot trek en sy leiers:
Die Groot Trek
Leiers van die Groot Trek
Andries Pretorius 

 

 

Infografika: Geskiedenis van bekende geboue

Eerste vakansie

Ons het na baie jare se gewag uiteindelik op ons eerste vakansie gegaan. ATKV Drakensville Vakansie oord by die voet van die Drakensberge.

Die omgewing is ongelooflik mooi en die uitsig na die berg is onbeskryflik. Die kinders het dit vreeslik baie geniet. Dit is die ideale plek vir 'n gesins vakansie.

Daar is swembaddens (warm en koud), 'n waterglybaan, putt-putt, plaasdiere, speletjieskamer, springmatte en nog meer. Ons het die kinders se fietse saam geneem en hulle kon met gemak en veilig enige plek ry. Die oord is goed toegerus en baie netjies. Die pragtigste tuine! 

Dit was noggal besonders warm gewees en die nagte glad nie koud nie. Met ons laaste oggend het die wolke begin saamdrom. Daar was 'n toergroep met pensionarisse en almal werklik baie oulike mense. Die diens by die oord is werklik baie goed. 

Natal is baie ryk aan kultuur en geskiedenis. Ongelukkig kon ons nie die keer van die plekke in die omgewing besoek nie. Maar indien julle ooit daai kant gaan, gaan kyk gerus wat die Berge julle alles bied.

Groete

Maryna

Museum besoek

Durban Natural Science Museum

 

City Hall: 1st Floor City Hall
234 Anton Lembede Straat, Durban

Ingang is gratis

Hierdie is 'n moet besoek. 

Daar is 'n area vir soogdiere, voëls, reptiele en insekte. Baie mooi vertoon kaste met verskeie diere en baie leersame inligting. 

 
Die kwaliteit van die items is ongelooflik en dit is pynlik netjies.

Net een vloer op kan jul 'n bietjie kuns sien en dan 'n kamer met 'n muur vol politieke mense en bietjie agtergrond.

Bedryging van die Renoster

Bye en hul lewe

 

Miere en hul lewe

 

Verskillende skoenlappers en motte

 

 Besoek hul gerus.


Groete

Maryna

Wetenskap Sentrum

Kwa-Zulu Natal Science Centre

Legkaart van Suid Afrika se Provinsies

Hierdie wonderlike plek is binne Gateway Winkelsentrum net langs die bioskoop op die boonste vloer. Verskeie wetenskap eksprimente wat hulle kan probeer en dinge wat hul kan bou. 

Leer op 'n interaktiewe manier

Wat vir my lekker is hier is dat die plek vir kinders is. Hulle mag aan alles vat en peuter, alles probeer, in mekaar pas en bou. Hierdie is 'n moet besoek. Maak jou gereed vir 'n paar uur van ontdek.

Daar is ook 'n mobiele planetarium. Jy lê op jou rug en bekyk die sterre en planete in 3D. Daar is 'n video wat wys oor die dae van die Dinosourusse. 

Kostes is R35 per kind en R30 per volwasse . 'n Groep van 4 en meer betaal R30 p/p. Sien hul webblad HIER vir meer inligting.

Groete

Maryna

Phezulu Safari Park

 

Phezulu Safari Park - Old Main Road, Bothas Hill

Hierdie uitstappie het ons 'n geruime tyd terug gedoen.

Die weer was yssig maar die uitstappies was beslis die moeite werd. Die uitsig is ongelooflik oor die valleie en die mense is baie vriendelik.

Jou dag begin met 'n wonderlike vertoning van tradisionele Zulu dans en die tradisie rondom hul trou proses.

 

 

 
Daar is 'n krokodil plaas en slange wat gesien kan word.
Vir die met 'n dieper sak kan op 'n safari rit gaan.

 

 

Matthew se beur om die slang om die nek te kry.

Kleine Makayla wil ook voel hoe dit voel.

Ongelukkig was die slag om die nek episode so gejaag oor die hoeveelheid kinders wat daar was. En ja ek het ook 'n beur gekry.

'n Bui reen soos nog nooit gesien het toegesak en ongelukkig kon ons nie die res van die slange sien nie.

Hierdie besoek is beslis 'n belewenis. Sien hulle webblad HIER.
Indien jul ooit Phezulu wil besoek stel ek voor dat jul as 'n groep gaan om met die ingangs kostes te bespaar.

Groete

Maryna