Menslike Liggaam - Bingo

Hierdie menslike liggaam Bingo is oorspronklik saamgestel deur Ellen McHenry van The Basement Workshop en is in Afrikaans vertaal deur my met haar toestemming.

  Ourderdoms groep: 8 tot 13 jaar.

Doel van die aktiwiteit: Om basiese informasie van interne organe te hersien.

Beskrywing van aktiwiteit: Word gespeel soos gewone Bingo, behalwe dat daar drie vlakke van vrae is. Vlak 2 en 3 is geskik vir 'n ouer kind, of 'n kind wat reeds die nodige kennis dra. 'n Voorbeeld vraag uit Vlak 3: "Die hipofise klier word in die orgaan aangetref."

Tyd benodig: 30 - 40 minute

Wat jy benodig: Afskrifte van die Bingo bord, afskrifte van die liggaamsdeel kaarte vir elke kind, gom, skêr, merkers om op die dele te plaas of alternatief merk penne/kryte. Afskrifte van die vrae vir die ouer.

Laai die Liggaam Bingo hier af. 

Hoe ons dit doen: Ek het die bladsye gelamineer. Die kinders het die kaartjies wat hul gekies het met wondergom op die Bingo bord gesit. Ek het vir hulle die vraag gelees en dan het hul die antwoord prentjie op die Bingo bord gesoek.Hul het hul keuse met 'n witbordpen gemerk. Ons het dan gekyk of die antwoorde reg is. As dit was hou hulle die kruisie wat hul met die witbordpen daarop gemaak het. As dit nie reg was, moet hul die fout uitvee, maar hul mag dan nie die regte een kies nie. As iemand 'n Bingo gehad het, het hul alles uitgevee en ons het aangegaan met die vrae sodat daar weer 'n kans op 'n nuwe wen kan wees.


Nog ander menslike liggaam aktiwiteite wat jul kan doen:
Maak 'n been
Anatomie T-hemp

*Indien jul dit met iemand wil deel verwys hul terug na die blad om dit hier af te laai - dankie.*

In die komende maande gaan ek nog aktiwiteite met julle deel. Hou dus die spasie dop. Lekker leer!

Groete

Maryna

Engelse Grammatika Fix It! Grammar

Begin van die jaar het ek baie onrustigheid gehad oor ons Engelse program. Ek het rond gesoek, na voorbeelde gekyk en hier en daar iets vir 'n toetsloop geneem.Dit was werklik nie 'n besluit wat ek ligtelik geneem het nie.

Ons het dus LLATL (Learning Language Arts through Literature) heeltemal gestaak en oorgegaan na die IEW (Institute for Excellence in Writing).

Dit is 'n groot verandering en ek wil graag my opwinding van ons nuwe Grammatika program met jul deel.

Fix It! Grammar is al 'n geruime tyd beskikbaar van IEW. Hul het egter dit uitgebrei en daar is nou ses boeke beskikbaar. Ek het dus die nuwe weergawe aangekoop. Hierdie was my eerste bestelling van oorsee wat skoolboeke betref.

Fix It! Grammar werk so: Dit word vier keer per week gedoen. Elke dag kry die kind een sin. Uit daai sin is daar 'n woordeskat woord wat hul moet opsoek. Die sinonieme wat die beste by die sin pas word dan geneem en agter in 'n boek geskryf. Daar word elke week 'n nuwe konsep/reël bekend gestel. Die kind leer hoe om op te let vir paragraaf merke. Hul leer bv in week een van Indent, nouns, end marks en homofones. 

Elke week is daar 'n nuwe kaartjie wat vir die kind gegee word. Voor op die kaartjie staan die naam en letters. Agterop 'n verduideliking van wat dit is. Soos bv met noun is daar 'n n by. 
 

Hoe die kaartjies lyk

Die kind lees die sin en bo die sin merk hul al die nouns met 'n n. Hul doen ook dieselfde later vir articles ens. Hul voeg ook die end merke aan die einde van die sin, soos bv 'n punt, uitroepteken of vraagteken.Indien daar 'n homofoon sou wees soos bv there/their/they're moet hulle die regte een onderstreep en die twee wat nie pas dood getrek. Elke week kom daar iets nuuts by. Heelwat later moet hul dele van die sin verander. Die kind leer dus hoe om die nodige wysigings in hul skryfstukke te maak.

Voorbeeld uit die Onderwyserboek

Nog 'n voorbeeld uit Onderwyserboek

Voorbeeld uit Studenteboek wat gemerk is

 Die sin word dan in 'n boek oorgeskryf sonder die merke wat bo gemaak was. Hul leer hoe om korrek die sin te skryf, dubbel spasies en om die end merke by te voeg. Homofone word slegs die korrekte een in die sin geskryf.

Voorbeeld uit Matthew se boek

Elke dag is daar 'n sin en aan die einde van die jaar het hulle 'n hele storie geskryf.

Hoekom gebruik ons nou juis die program? Dit neem niks meer as 15 - 20 minute per dag nie. Die eerste dag van die week verduidelik ek vir die kinders die nuwe grammatika en hersien die wat reeds gedoen is. Die kinders leer op 'n maklike manier hoe om grammatika te doen deur dit fisies toe te pas uit 'n storie en nie net onderstreep hier en vul in daar nie. Die program is anders as enige ander programme wat ek ooit gesien het. Die kinders is absoluut mal oor die program. 'n Bonus is dat dit help met spelling en dit help hul ook om te dink.

Die reeks bestaan uit die volgende boeke:
Boek 1: The Nose Tree
Boek 2: Robin Hood
Boek 3: Frog Prince, or Just Deserts
Boek 4: Little Mermaid
Boek 5: Chanticleer
Boek 6: Sir Gawain and the Green Knight

Almal moet verkieslik met boek 1 begin. Indien 'n kind nie sou, glo ek sal hul totaal verlore wees in die program en nie weet hoe om wat en wanneer te doen nie. Die boeke bou op mekaar. 

Ek stel voor dat julle na die voorbeelde van die boeke kyk.

Die fisiese onderwyser boek moet aangekoop word. Voor in die boek is daar die skakel na die studente boek in e-formaat wat gratis afgelaai en dan natuurlik uitgedruk word. Jy benodig ook 'n lyntjie boek vir elke kind.

Groete

Maryna

Boek loer: Waar kom babas vandaan?

Ek is seker dat meeste ouers slaan behoorlik in sweet uit as dit by die onderwerp van babas en seks kom. Hoe vertel jy vir jou kind sonder om jou kind te laat kopkrap of jouself so opwerk dat jy skaars kan asemhaal.Dan praat ons nie eens van bloos van oor tot oor nie.

Ek het hierdie oulike boek Kom ons praat oor waar babas vandaan kom deur Robbie H. Harris lank gelede by Bargain Books raak geloop.

Kom ons praat oor waar babas vandaan kom

Ek gaan nie jok nie, ek het dit baie lank uitgestel en het werklik baie opgesien na hierdie onderwerp. Die boek is baie oulik, maar hierdie ma was net nie reg vir dit nie. Ek meen ek wil mos hê my kinders moet in 'n mate onkundig en onskuldig bly. Ongelukkig is die realiteit dat hulle groot word en ons moet dit aanvaar.

Ek het onlangs die onderwerp aangedurf. Ek het self die boek vir die kinders gelees en dit het baie goed verloop. Hulle het alles verstaan en wou net meer weet. Dit was toe glad nie so erg as wat ek gedink het nie. Niks sweet op my voorkop en geen rooi gesigte.

Hier onder is 'n kykie na die inhoudsopgawe.

Inhoudsopgawe

Inhoudsopgawe

Die boek is in 'n mate soos 'n strokiesprent maar ook nie heeltemal. Die prentjies is oulik geillustreer. Die karakters is 'n voëljie wat alles wil weet en 'n bytjie wat niks wil weet. Die voëltjie is glad nie skaam en die bytjie wil net heeltyd weghardloop.

Daar word eenvoudig vir die kinders verduidelik wat alles is, hoe alles werk, die wat en die hoekom en waarom. Dit is smaakvol verduidelik. Die boek verduidelik ook mooi dat seks vir grootmense is wat getroud en lief is vir mekaar. 

Die eier se ongelooflike rit

 Ek het nog nooit enige ander sulke tipe boeke onder oë gehad nie, kan dus nie vergelyk nie. Maar ek glo as daar nou werklik een boek is wat ek vir enige iemand kan aanbeveel is dit die een. As jy vir jou kinders die blomme en bye moet vertel KRY DIE BOEK!

Die boek is geskik vir kinders tussen 8 en 12 jaar. Maar ek sal voorstel wag tot jou kind werklik emosioneel en verstandelik reg is vir die onderwerp. Eerder van so 10 of 11 jaar. (is net my opinie)

Voorspoed en laat weet hoe dit gegaan het.

Groete

Maryna

Natuurstudie in jou tuin

Hoe gereeld loop jy buite rond en bekyk alles in jou tuin? 

Neem gerus 'n kamera saam en bekyk alles wat in jou tuin is. Die soorte bome, voëls, plante, goggas en nog meer. Dit is die perfekte plek om bietjie natuurstudie te doen. As jy iets nuuts sien, gaan bib toe en neem 'n boek daaroor uit, of soek dit op die internet, kyk na videos en leer meer daaroor. Laat die kinders sit en 'n prentjie van dit teken en dalk ietsie oor dit skryf.

Hier is 'n paar dingetjies wat by ons rond loop.

Blouaap (Vervet Monkeys)

Die Blouaap, aai aai... hoekom aai? Hulle is oulik om na te kyk, MAAR vir ons in Natal is hul werklik 'n oorlas. Kom in jou huis, verwoes alles, maak die honde mal. Hier is ape soos jy nog nooit gesien het nie. Kinders by die doesyne.

Krap

Deur ons erf loop 'n stroompie, met die gevolg daar is baie baie krappe. Klein tot groot, rooies, gryses, perses. Allerhande soorte.

Krappe wat paar

Mannetjie en wyfie paar. Vir ure aaneen.

Hoe weet 'n mens die verskil tussen 'n mannetjie en vroutjie? Vroutjie is 'beursie' is vetter (wyer), die mannetjie sin is baie nouer en langer boontoe.

Vroutjie dra haar eiers

Vroutjie dra die eiertjies in haar sakkie. As die eiers uitbroei lyk hulle amper soos klein garnale voor hulle krappies word.

Naam Onbekend ?

 Is dit is Springkaan? Wat is dit. Weet nie maar hy is mooi.

Naam Onbekend ?

Hiert jou spinnekop. Ek weet nie wat is die outjie se naam nie. Is nie heeltemal die mooiste foto nie, maar hy was oulik. Ons het hom 'n paar dae in die huis dopgehou. Spring spring van een plekke tot die volgende.

Naam Onbekend ?

Oooo nee aarde, grillerig verby! Wat is dit? Spinnekop? Familie van 'n kakkerlak? Die outjie se lyf gedeelte was ongeveer 5/6cm lank.

As jy weet wat van die goggas is laat my asb weet dat ons bietjie meer van hulle kan uitvind.

Lekker ontdek.

Groete

Maryna

2015 Skool skop af

Die dag het aangebreek en ons amptelike eerste dag van 'skool' 2015 skop af.

Ons program is vol en die kinders is gretig (lekker).

Ek het baie planne vir die jaar en baie nuwe lekker hulpmiddels wat ek besig is om te vertaal en te maak. Hou die spasie dop vir al die nuwe dinge.

Mag almal 'n vreugdevolle Tuisonderwys jaar hê. Mag jou kinders uitblink en jou voete onder jou uit uitslaan in hul vordering of ontdekking van nuwe talente.

Lekker leer (ja ma leer mos steeds saam :) )

Groete

Maryna

SOTW 1 - Hoofstuk 4 Mummies en Piramiedes

In hoofstuk 4 het ons geleer van hoe die mummie proses plaasgevind het en wat die mense geglo het. Ons het ook meer geleer van Piramiedes. 

Praktiese take

In die foto hierbo kan jul van die aktiwiteite sien wat die kinders gedoen het. Hulle het mummies gemaak, 'n piramiede gebou met lego blokkies, bietjie rond gespeel met verbande en eetbare mummies gemaak.

Die mummie mannetjies het hulle gemaak met pyp skoonmakers as die geraamte van die mannetjie en gesnyde verband om dit gedraai. Die ogies is vasgegom om die 'outjie' bietjie lewe te gee.

Hoe om die eetbare mummies te maak: Ons het pizza deeg gemaak, dit uitgerol in lang repe en om worsies gedraai en toe gebak. Ons het hoender Viennas gebruik, maar jul kan enige iets gebruik.

Hier is die pizza deeg resep:
200g koekmeel
1/4 teelepel sout
1 teelepel droë gis
150ml hand-warm water
1 eetlepel olie

Meng die meel, sout en gis saam in 'n bak. Voeg warm water en olie in die middel van die mengsel by. Meng met lepel of hande tot 'n sagte deeg. Knie vir 5 minute. Maak toe met plastiek en laat dit rys vir 45 minute. Knie weer vir 2 minute. Bak vir 20 - 25 minute in 'n voorafverhitte oond teen 220 grade. 

Die resep maak baie lekker pizza. Smeer tamatiesous oor, gooi jou bestandele van jou keuse op, lekker baie kaas en in die oond. As julle 'n behoorlike ete wil hê verdubble die hoeveelheid. 


In die video hieronder verduidelik hulle hoe die mummie proses werk.

Heironder is 'n grappige Piramiede animasie video. Dit het niks met die les te doen maar is net iets ouliks om oor te lag.

In die BBC produksie Building the Great Pyramid word die bou van die Piramiedes in 'n storie formaat aan ons gewys. Die videos is opgedeel in 6 dele. Hieronder is deel 1. Besoek gerus youtube om die res ook te kyk (die volledige storie). Dit is werklik 'n mooi hartroerende storie.

As jy 'n pragtige drie-dimensionele kykie wil kry van die Piramiedes by Giza moet jy na hierdie webblad kyk. Dit is 'n ongelooflik toer soos jy nog nie gesien het nie.

Hier is 'n paar kreatiewe papier dinge om te maak en skep:

Kliek op die foto om jou na die skakel te neem.

Groot Piramiede van Khufu

Sphinx

 

Piramiede boek

Koning Tut Pastel weerstand

3D Antieke Egipte Loerboek (Lapbook) op Practical Pages se blog, beweeg ondertoe om by Egipte se afdeling te kom. (Dit is in Engels)

Ineteraktiewe webbladsye met addisionele inligting: (Neem kennis basies alles is in Engels)
Op Mieliestronk kan jul bietjie meer lees oor die Piramiedes. 

Op die blad kan jy lees van die begrawe proses I read it in the book of the dead, daar is ook speletjies wat jy kan speel en baie om te sien.(baie oulike blad)
Ontdek meer oor Antieke Egipte by National Museums Scotland
Ontdek The Royal Tombs of UR
Ontdek Ancient Egypt
Birmingham Museum - Ancient Egypt
 
Aanlyn speletjies:
Op die Horrible Histories se blad is twee speletjies wat gespeel kan word Mummy madness en  Tomb of Terror.
Op BBC - History is nog 'n speletjie Pyramid Builder.

Onder 'n goeie Infografika oor die Groot Piramiedes

Ons het ook uit die oulike opwip boek Tutankhamen's Tomb gelees. Ek het dit gekoop by ons plaaslike Bargain Books.

Daar is baie oulike en goeie inligting oral oor die internet en baie oulike aktiwiteite. Ek het slegs alles hier gewys wat ons self gedoen en lees het.

Lekker leer.

Groete

Maryna

Kreatiwiteit die 3D skeppings

Matthew het altyd 'n voorliefde vir kunste gehad. Hy kan baie goed teken en het ure gespandeer met die Pivot stick figure animasie program.

Ek het 'n paar jaar gelede voete nat gemaak met Blender. Dit is 'n ongelooflike program waar jy drie dimensionele beelde skep en dit ook kan verander in animasies. Hierdie is dieselfde program wat mense gebruik om onder ander aan Happy Feet 2 te kon werk.

Net om nog 'n voorbeeld te gee, hier is een van die baie videos wat met Blender gemaak is. Hierdie is natuurlik die finale produk nadat al die bou, teksture ens aan mekaar gesit is.
 

 
  Hier onder is van Matthew se skeppings wat hy in van die kursusse leer. Hy leer tans nog hoe om met die program te werk en het begin basiese goed te 'bou' en te laat beweeg. Dit is 'n taamlike ingewikkelde program. Sodra jy die basiese onder die kniee het is die moontlikhede eindloos.

Spinnekop

Gesig

Blender kan gratis afgelaai word. Baie van die klasse/kursusse is gratis. Daar is egter 'n verdere opsie om 'n 'Citizen' te word by CG Cookie waar jy 'n x bedrag betaal per maand en dan het jy toegang tot alle kursusse. Ons het die opsie geneem.

Ons gee Matthew hierdie geleentheid om te groei en te skep. Hierdie kan 'n wêreld vir hom oopmaak van oneindige moontlikhede vir werkskepping in die toekoms. Ek sal soos hy vorder van tyd tot tyd sy vorderings plaas.

Indien jy vir jou kind hierdie program wil laat leer, maar seker hy/sy het baie tyd beskikbaar elke dag. 

Hier is 'n opvolg skrywe van nog skeppings.

Groete

Maryna